Эрүүл мэнд нийгмийн халамж гэр бүлийн яам нь гэр бүл болон ирсэн гадаадын иргэдэд туслахын тулд гэр бүл болоод амьдарч байгаа гадаад иргэдийг хэлмэрч/орчуулагчаар бэлтгэн 3 сараас эхлэн үйлчилгээ явуулж эхэллээ. Эрүүл мэнд нийгмийн халамж гэр бүлийн яам нь Солонгосын Гадаад хэлний их сургуультай хамтран 11 орны 59 иргэнийг сурган боловсруулж, гадаад иргэдтэй гэр бүл бологсдыг дэмжих 39 төвд ажиллуулан зөвлөгөө, мэдээлэл өгөх, солонгос хэл сурахад дэмжлэг үзүүлэхээр боллоо.
Бидний очсон газар бол 3 сарын 9-нөөс үйл ажиллагаагаа эхлээд байгаа Ёндынпу дах гадаад иргэдтэй гэр бүл бологсдыг дэмжих төв байлаа. Энэ төвд Хятадаас ирээд 11 жил болж байгаа И Хэ Ён, Узбекистанаас ирсэн Намнари нар хэлмэрч/орчуулагчаар ажиллаж байна. Солонгост анх ирээд тулгарч байсан хэл, соёлын ялгааны бэрхшээлийг даван туулах нь хамгийн хэцүү байлаа гэж ярьж байгаа тэд бусад олон эмэгтэйчүүд мөн тийм саад бэрхшээлийг амжилттай даван туулахад туслахыг хүсэж байгаагаа ярилаа. Тус төвийн хэлтсийн дарга Канг Хён Дог хэлэхдээ хэлмэрч/орчуулагчийн үйлчилгээ нь жирийн нэгэн дэмжлэг бус бэр болон ирсэн эмэгтэйчүүдийн байнгын уулзалт, цугларалтаар үйл ажиллагаагаа өргөтгөн олон орны хэл, соёлтой нийгэмлэгийг бүрэлдүүлэн бий болгоход хувь нэмрээ оруулан, чадварлаг эмэгтэйчүүдэд ажил хөдөлмөр эрхлэх боломжийг гаргаж өгөх зэрэг олон зүйлийг төлөвлөн зорьж байна гэв.