[Эрүүл мэндийн хуанли]
Хоолны хордлогоос сэргийл!
6 сард цаг агаар дулааран хоолны хордлого тусах магадлал өндөрсөж эхэлдэг. “Хоол, хүнсний эрүүл ахуйг хангах алба”-с гаргасан мэдээллээс харвал 5-6 сард хоолны хордлого тусах магадлал 7-8 сарынхтай адил болох нь тогтоогджээ. Учир нь энэ үед бөгчим халуун биш учраас хоол хүнсийг хөргөгчинд хадгалахгүй байх зэрэг хүмүүсийн анхаарал сул болдог ажээ.
Хоолны хордлого нь бөөлжих, толгой өвдөх, эргэх зэрэг шинж илрэн хурдан эдгэх тохиолдол байдаг ч гэдэс өрөвсөн, гүйлгэж хүнд байдлаар илрэх тохиолдол ч элбэг. Гүйлгэх, бөөлжих зэрэг нь бие дахь муу зүйлсийг гадагшлуулдаг сайн талтай ч урт хугацаанд үргэлжилбэл шингэн алдагдаж, өндөр халууран, бие дээр жижиг улаан зүйлс туурах аюултай тул эмчид үзүүлээрэй.
Гараа сайн угаах нь хоолны хордлогоос сэргийлэх хамгийн хялбар арга юм. Хоол идэх болон хийхээс өмнө заавал гараа угаана. Хутга, махны мод, аяга тавганы алчуур зэргийг 85°C-н усаар угаах юмуу хлортой лакс зэргээр ариутгах хэрэгтэй.
Түүхий загас, хагас боловсруулсан бүтээгдхүүнээс илүүтэйгээр сайтар боловсруулсан хоол хүнс хэрэглэх нь зохистой. Түүнчлэн хүнсээ заавал хөргөгчинд хадгалж, нэг гэсгээсэн хоолыг дахин хөлдөөлгүй хурдан идэж дуусгах хэрэгтэй. Бараа бүтээгдхүүний гүйлгээний хугацаа өнгөрсөн эсэхийг шалган хэрэглээрэй.