Гадаад ажилчид ч Солонгост байнгын оршин суух эрх авах боломжтой боллоо
Ирэх 1 сарын 1-нээс гадаад ажилчид ч Солонгост байнгын оршин суух эрх авах боломжтой боллоо. Солонгост үйлдвэрийн дадлагажигч болон гэрээгээр 5-с дээш жил ажиллан оршин суух эрхийн F-2 визтэй болсноос хойш дахин 5 жил ажилласан техникийн мэргэжлийн чадвартай жилийн орлого нь 29 сая воноос дээш гадаад иргэдэд F-5 Солонгост байнгын оршин суух эрх олгох шийдвэр гаргажээ.
Үүнд Хууль зүйн яамнаас гаргасан 48 төрлийн инженер мэргэжилтэй жилдээ 29 сая воноос дээш орлоготой хууль ёсны гадаад иргэд л хамрагдах ба мөн солонгос хэлний 3-р түвшинөөс дээш болон 20 саяас дээш өмчтэй байх шаардлагатай ажээ. Жишээлбэл гэрээний болон үйлдвэрийн дадлагажигчид 3 жилийн хугацаа нь дууссаны дараа хугацаагаа сунгуулан нийт 5 жил Солонгост амьдарч оршин суух F-2 визтэй болсоноор Хууль зүйн яамнаас гаргасан шаардлагыг хангасан тохиолдолд байнгын оршин суух эрх авах боломжтой юм.
Гэвч гадаад ажилчдын дунд тухайн шаардлагад нийцэх хүн байхгүй хэмээн олон нийтийн байгууллагууд энэхүү түвшинийг доошлуулах хэрэгтэй гэсэн байр суурьтай байна.